2013年4月25日 星期四
日記 四月廿五日 星期四
自從...... 我已經瘦咗差唔多廿磅呀，食量亦只有以前嘅三、四成...... 不過，同佢一齊食嘅話，都會好胃口啲食多啲嘅；其實，有好多位同事問我同我講，你瘦咗好多呀，做咩瘦咗咁多呀，食咁少呀，每每我只能以笑代答，都唔知點答好..... 唔通話俾佢哋知，我老公出面有女人，我無心機，又有抑鬱病，所以無胃口食呀....所有嘢只有自己知....自己撐 ，好攰......
或者你哋會話我儍，每日我都比以前對佢更好服侍，每日放工後，我都好努力咁做家務，每個要番工嘅早上，都會準備定杯蜜糖水俾佢，如果有買麵包，就會較好時間番熱同搽牛油，等佢沖完涼出嚟就有得食....週末又會搵啲新餸煮俾佢食..... 飯後搣橙或切好生果俾佢食，係佢面前我要做一個係佢面前儘量要做番以前嘅我... 唔好係佢面前喊..... 自己一個去睇精神科醫生.... 有時都問自己，點解要咁委屈... 難道這是愛？
今晚，佢理應去跑步，但... 後來見到黃雨... 個腦就不停咁諗.... 佢又會唔會.... 去咗同個女人食飯呢.... 好驚呀.... 我知我明我管唔到佢，但我亦不能自制.... 又check到佢哋....
屋企得我一個人.... 但... 我覺得周圍都好嘈呀.... 俾我靜吓得唔得....個心好唔安寧好唔安靜呀.... 下星期覆診，好唔好話俾醫生知呢.... 佢會唔會加重啲藥呢.... 唔想食咁多藥呀..... 可以點呀....
每日只能默默....
請為我祈禱.... 亦請為她(同我有同樣遭遇的新blog 友)祈禱吧...........
謝謝大家....................
訂閱：
張貼留言 (Atom)
你信愚太嗎？
回覆刪除其實每個人的祕密不是真的這麼重要的，事無不可對人言，年齡、患重病、手術，親人去世，失業、失戀、老公外遇.....只要是你能相信的人，暢所欲言，真情流露，你會發覺，你能真正面對自己、面對低潮，然後你會變得更勇敢去面對逆景，面對你的抑鬱症。
心魔是自己，最難面對的也是自己，只要你夠勇氣將煩惱說出來，你會發現不是什麼大不了。生活還是要好好地過.
祝你健康.
[版主回覆04/26/2013 08:46:38]我的事告訴了marriage counsel... 但每小時$500, 非常昂貴, 所以只見咗三四次就無見啦.....
愚太, 我當然信你... 依家的我, 真的依賴一眾blog友了... 但我需要時間... 只希望我個病唔好惡化....
[愚太回覆04/26/2013 00:33:55]呀，上mytv睇返上星六的＜玩野王＞,笑餐飽，輕鬆一下，忘憂好選擇。
無論點好好愛錫自己。同醫生商量。好同你祈禱同祝福，有新網友，大家鼓勵。
回覆刪除[朱媽媽回覆04/26/2013 14:48:04]善待自己
作者﹕啄木鳥
所有心靈的傷害，的確可以輕如煙塵般的消失，只要你記得時時刻刻善待自己。(clipart.com)
[版主回覆04/26/2013 13:34:24]同意
[版主回覆04/26/2013 13:34:08]同意...
[朱媽媽回覆04/26/2013 10:42:58]朋友了。
[版主回覆04/26/2013 08:48:29]朱媽媽, 我都唔知點感激你... 大家素未謀面.... 但你同其他一眾blog友對我實在太好了.... 只係自己唔爭氣.....
親愛的主耶穌..祢有恩典有憐憫..求祢看顧姊妹..讓她有出路..有從神而來的智慧處理..仰望交託奉主耶穌名求....阿門.............
回覆刪除[版主回覆04/26/2013 13:29:38]謝謝你...
[Kitty回覆04/26/2013 11:11:08]多讀聖經..多祈禱...讓神帶領每一天...
恩光照亮你前面的路...恩手賜福每一天....靠主耶穌得勝....主耶穌愛你...
明白你唔想話俾同事/朋友聽你宜家的情況，但那種有苦自己知的感覺真的不好呢~
回覆刪除除了我們，可以找一兩個朋友傾呀，多D人support也是好的~
呢幾日落雨，難D去跑步，不如去做下massage, spa 放鬆下~
[版主回覆04/26/2013 13:32:15]
繼續努力~~
回覆刪除[版主回覆04/26/2013 22:35:28]你好嘛? 謝謝你....
加油呀...為你祈禱
回覆刪除[版主回覆04/28/2013 22:10:21]謝謝你...
你要加油呀 如果想別人愛鍚你 就一定要好好愛錫自己 加油
回覆刪除[版主回覆04/28/2013 22:10:37]知道.....
今日你好嗎？祝身心健康。
回覆刪除[版主回覆04/28/2013 22:11:29]今日麻麻哋啦.....
覺得個心唔舒服一定要話比醫生知,收收埋埋情況只會更差，加油！
回覆刪除[版主回覆04/29/2013 22:48:08]好又點差又點呢..... 頭先想約自己老公食飯都咁難... 佢話要諗諗喎.... 你話係幾咁hurt呢.....