今日又去瑪麗精神科覆診，一入醫生房，啲眼淚就好自然咁流落嚟，唔好問我點解喊，其實已經好咗架啦，頭兩次直情係一路嚎啕一路見醫生，今次第四次見醫生，上次同今次只係眼淚係眼角悄悄地流落嚟咋.....我仍然好介懷自己要睇精神科醫生，我仍然係接受唔到囉....
我真係失去自我，我好想大大聲質問佢，我好想同佢講離婚，我好想鬧爆佢同個女人，我好想.... 但我只係得個想字，並不會行動.... 我知你哋實鬧爆我就真.... 我知自己好懦弱... 我唔抵幫.... 今日醫生有問我... 有無諗傻事，平靜過一陣字... 又不再平靜了............
加油呀!!
回覆刪除給你一個擁抱
[版主回覆04/12/2013 08:56:37]謝謝你....
你有冇工作，有冇小孩，不如你去工作，或且去學習興趣班。真的別諗傻事。為自己的幸福快樂活著。
回覆刪除[版主回覆04/12/2013 09:28:59]我有工作(幸好有, 不至於太徬徨)... 但沒有小孩... 提不起勁去學嘢呢...
講起瑪麗醫院S block，我除了精神科，全部其他科睇過晒.
回覆刪除S3 心胸外科和耳鼻喉都睇過
S4 外科加埋最近期醫生要我睇整容外科
S5 婦產科
S6 心臟科和甲狀腺科
S7 骨科
S8 眼科
我以上都睇過，熟到痺。
講返你老公，佢係咪已經決定享齊人之福，好似大劉咁有正印和甘比，而你又接受到？如果覺得咁樣開心，習慣到，咪照生活囉。知道自己想點，才可醫自己的問題。
[版主回覆04/13/2013 14:30:34]精神科依家係block J....
決定享齊人之福? 我唔知, 但我係接受唔到的... 不過暫時亦無其他可行的方法.. 唯有....
這位太太，請妳學習睇開啲！有一次我在急症室，見過一個為了丈夫變了心的可憐女人！
回覆刪除第一，妳可以學習忍耐共存；第二，妳可以選擇離開。
千萬不要傷了自己可貴的健康！
[版主回覆04/15/2013 15:27:47]謝謝你... 我明白我知道... 但....