日記 六月廿八日至七月一日 星期五至一

呢幾日，尚算平靜.............

星期五，又俾我發現咗一啲嘢......我唔係有心去搵，而係天網灰灰.....我無為此而喊... 不過，個心當然好唔舒服啦........... 或者，我一啲嘅差測可能成立....

星期六，佢話要番工，番咗差不多成日，由早上十點到下晝五點幾，中間試過有兩個幾鐘，佢同我失去咗聯絡，我call佢自己手提、公司手提同埋公司電話，都搵佢唔到，最後，佢call 番我，佢話做梗嘢喎，我只好亦唯有選擇相信，別無其他....

星期日，我哋係屋企睇咗套戲，然後，佢炒年糕做晚飯，本來係我炒嘅...不過.... 其實，以前嘅佢好鍾意煮嘢食，我只負責食，有時候連碗都可以唔洗，只需炸吓嬌，依家，佢失去興趣煮....咁唯有我頂上，仲要洗埋買埋，同埋善後..... 晚飯後，我哋一齊去跑步.....

星期一﹝今日﹞，下晝我哋去咗戲院睇超人，係佢話要睇嘅，咁我當然逢陪啦..... 然後係屋企煮水餃食做晚飯......