日記 六月六至七日 星期四至五早上

琴晚(六月六日)，因為諗住佢跑完步去接佢，所以收咗工on 居居咁行街等時間過，係一間舖頭度見一pack glass tag with marker pen﹝如下圖﹞，覺得特別嘅地方係可以寫名落去，咁啲人唔駛記住自己攞咗個咩公仔，我哋以前成日招呼朋友嚟食吓嘢、飲吓嘢、吹吓水..... 如果我哋能夠..... 我覺得都啱用呀，雖然我哋屋企都有呢啲嘢，但又唔係貴，幾十蚊.... 想有啲新嘢衝擊吓，希望佢啱用、鍾意、同開心吓... 所以就買咗...... 點知..... 或者佢覺得唔鍾意、唔值、唔好啦，佢收到之後，就好嚴肅咁講“XXXXX (我個英文名)，你買嘢之前要諗清楚呀，呢啲嘢好屋企有好多呀”，如果你係我會點呢？當時嘅我好愕然，好委屈，人哋都係想你開心吓啫，洗唔洗咁呀，我哋依家正在好好修補嘅裂痕，你做咩要拆開佢呀..... 我真係好唔開心，我諗咗一諗，衝咗出房想攞番份嘢，係佢房唔見，知道應該係酒櫃，真喺係度，攞番放咗自己個袋內面，佢問我做咩呀，見到我咁，就話依家講吓真嘢係咪唔得先，我無理佢，只係做咗個hin 強嘅笑容，因為每次錯的總是我，然後即刻係佢面前食粒安眠藥去逃避。

呢排成日煮飯，我好想買Le Creuset / Staub 嘅煲呀，無諗過要佢俾，不過，佢俾我都唔駒.... 我有問佢，想同佢一齊睇，但佢只係講咗句，諗清楚呀。我知有時我都幾浪費，買咗嘅嘢用一陣就會放埋一邊，但佢都有試過喎... 當然無我咁多啦....

今早，無預備早餐俾佢食，一早就出咗門口，佢連床都未起，到依家九點幾啦，一個電話、一個whatsapp都無，我相信佢都好唔高興，個腦諗咗好多嘢，係呢個時候我咁樣會唔會推佢俾個女人呢？但我亦諗.... 佢想tum嘅人或者已經唔係我啦，佢有諗過佢自己做得啱唔啱架，講真節儉一定係美德，但.... 洗唔洗咁呀..... 我哋又唔等嗰幾十蚊開飯，佢有無理會過、考慮過我嘅感受架.... 就算我浪費但出發點都係想佢開心啫，洗唔洗咁對我呀.....  唉... 一直以嚟，對佢我都係千依百順咁滯，或者，適當嘅反抗係好掛..................我係咪反應過激？我係咪太衝動呢？唉... 可能我谷得太耐同太多啦.....