另一篇由淚寫成的日記...............
今日，我又將過往所建立的一一瓦解，我以為自己開始強壯中，但我錯啦，我無強過，只係我自己活在自己的世界中，但我醒覺時，我又番去以淚洗面啦，我知我好無用，我好任性，我好懦弱，但....我真係講唔出口... 我曾經諗過好多好多.... 但所有的只係諗.... 我好對唔住各位blog 友，你哋對我咁支持同鼓勵..... 我就..... 總之係無用......
今日我又喊呀喊..... 因為.....
其實... 近呢一、兩個月，我覺得我哋嘅關係喺好咗，我以為...... 但.... 又唔似在修補我哋嘅裂痕咁... 琴晚，我第一次用口同佢講嗰件事，但.... 一啲成效都無.... 佢仍然同個女人一齊，佢未知點做，佢話佢未有決定，但見我食咁多藥佢內疚，佢話佢無諗過件事會令我有病，佢不斷叫我聽醫生話，同朋友傾吓呢件事，我話唔得，佢問我點解，我無答，我又話醫生係叫我同朋友聯誼吓，咁佢就鼓勵我叫同朋友出去食吓飯，佢叫我要好番先，才傾，我心諗... 如果，我無病，佢係咪已經..... 提出.... 一想到呢到，個心沉到幾十萬幾百萬呎嘅海底度..... 佢係一個個心可以好硬嘅人... 如果佢要做佢會做得到，所以我好聲好氣地試圖勸佢離開個女人.... 然後我哋從新開始，但佢話佢未知點做，唔好叫佢點做點做，我問佢係咪同個女人一齊會開心啲，我知我問得好白痴，嗰刹那心諗如果佢話係，我可能會成全佢哋，只係心諗啫，但佢唔肯回答有關同個女人啲嘢，佢話我俾好大壓力佢，因為每次佢同女人食完飯番嚟，會見我食安眠藥，佢話食餐飯咋喎，我話，邊有女人會好大方咁容忍嗰老公同小三係出面食飯呢？我話以前佢都有單獨同女人/女仔食飯，我唔會介意的，因為嗰啲係朋友，但... 呢個女人唔同...... 佢仍舊無講我哋有咩問題，我仍深信，一對夫妻有問題唔會某一方面的...... 傾之前，我食咗安眠藥了，因為呢次傾係無計劃的，點知傾咗陣啲藥.... 唔夠力，我再食多少少安眠藥，以便可以安睡，否則，我知我瞓唔到了..... 臨瞓前，我同佢講，我哋會過到呢關嘅.....
請寛恕我.... 我又好懦弱的想.... 咩啦... 又諗住寫平安紙.... 諗啫..
請寛恕我，我今日好脆弱好脆弱... 當你睇完，請手下留情...... 我怕...
請寛恕我，我真係講唔出口，我真係提唔起勇氣，做番個有尊嚴嘅人... 我好明白... 呢個咁嘅男人仲值得我愛嗎？但... 我真係呢一刻做唔出囉....
請你哋繼續支持我呀... 唔好連你哋都離棄我呀.... 我知自己唔抵你哋對我咁好... 但... 請.....
我無人可以講... 只係.... 呢度...
我很想留言 說些支持的說話 但逗留了很久 腦袋仍然空白 只能我手寫我心 交白卷
回覆刪除[版主回覆06/18/2013 08:32:06]我明白的.. 因為你想講你可以講的說話已經講咗妤多次, 只係我唔爭氣....
我唔會怪責你，因為到我自己時，可能都係咁。
回覆刪除只想默默支持你，有病你都唔想，抑鬱唔係三言兩語就可以好番，每個人可以承受的壓力不同，唔係話出去同朋友食吓飯就可以好番，我的親人都有抑鬱，人哋覺得佢做咩咁小事都承受唔到，但有病就有病，唔係健康的人想得咁簡單。
當然唔係叫你咩都唔做，或只係讓自己沉下去，我只可以SUPPORT你，盡量做自己開心的事，樂觀啲，唔好令自己病情惡化下去，食藥可令自己舒服少少就跟醫生份量食吧。
[版主回覆06/18/2013 10:58:13]thank you so much for your understanding
親愛的，什麼也不用說，來一個擁抱
回覆刪除我明白你的想法，也明白你的痛苦。
一定要愛自己呀~
[版主回覆06/18/2013 10:57:57]
其實時間會教你點做....慢慢黎..仍然鼓勵你多做運動多聽音樂....珍惜你自己....加油
回覆刪除[版主回覆06/22/2013 22:51:21]Thanks
與一個有問題的人還可以在一起,根本是妳的問題! 不將他踢去太平洋,那就大西洋啦!! 明知對`方己對妳不忠,還可以忍受, 其實都幾佩服妳!! 保重啦小小!!
回覆刪除[版主回覆06/22/2013 22:51:13]Thanks
[Reborn Jack回覆06/19/2013 09:08:39]再看看她的看自述:
"我只係一個希望老公成日係身邊陪住我俾我詐吓嬌嘅小小小女人"
明白了沒有?
[Reborn Jack回覆06/19/2013 09:01:51]"我心諗... 如果，我無病，佢係咪已經..... 提出.... " Hints 就在這裡
這個方法好難話好/壞, 但要她自己的目的~
[Reborn Jack回覆06/19/2013 08:59:38]同意, 根本是樓主的問題, 但又不一定要踢他去太平洋/大西洋.
首先要看看她還與一個有問題的人在一起 的動機是什麼. Comfort Zone? 自我形象? 要她自己去了解自己.
唔好怪自己啦~
回覆刪除[版主回覆06/22/2013 22:51:52]Thanks
阿姨，如果說到你「要請Blog友寬恕」，或「好對唔住Blog友」，恐怕是言重了，亦絕無需要過於自責。你和我皆明白，每個人的人生，不是要向Blog友或其他人負責，向自己負責更為重要，好好愛惜自己吧﹗
回覆刪除不過，我看到你亦付出了很大勇氣去面對你和你先生的事宜，特別踏出一步「對談」亦並不容易，比之前收埋收埋已經有顯著不同。小小小女人，你不是「以為」自己在強壯中，你的「確是」在強壯中。有些時候，過程中起起跌趺亦在所難免，只要不是因為一兩次事情而讓自己直沉下去便好。感到沮喪之時，希望你可看到自己的點點改變，給自己多一點信心與希望。
[版主回覆06/22/2013 22:51:00]Thanks
[Small Unknown回覆06/19/2013 19:14:27]看完閣下那句短短的「生命是她自己的」，我不理解你是否真的理解我的意思，還是你在「同意」我的留言後，再「另行簡單地說出」你自己的意見 (即簡單一句「生命是她自己的」)。因為是文字表達，我不知道你表達的語氣如何，我認為既然你選擇在我的留言下加你的回應，兼且是在「同意」我的回應後進一步寫留言，我覺得有必要向小小小女人澄清一下。
我為自己加的註腳是第一段的意思主要是希望小小小女人不要自責有負其他Blog友，最緊要是要珍惜自己，這是對她有一刻想寫平安紙的回應。另一方面，「生命屬於每一個個體自己」是事實，但儘管如此，如果其他人在生命中需要一些開解與協助，作為路過的人好，識得當事人本身好，方法或各有不同，但本著關懷之心向當事人提供一些開解與協助是應做的事。
[Reborn Jack回覆06/19/2013 09:15:59]同意, 生命是她自己的.
嗯.......唔知點開解你好，請愛惜自己多保重，支持你
回覆刪除[版主回覆06/22/2013 22:50:47]Thanks
想下離婚對你的"好處"/當你離婚之後, 可以有什麼計劃, 如: 去旅行? 學畫畫? 可以OT耐些?
回覆刪除這更能開闊你的眼界, 從而可以有更多的選擇~
[版主回覆06/22/2013 22:51:30]Thanks
離婚吧，不要令大家難受，男人現在只是因為憐憫你才留下，要醒醒啦
回覆刪除[版主回覆06/22/2013 22:50:26]Thanks
凡事做好最壞的打算 - 如沒有了他， 你是不是無法在生存下去。當你要去改變一些你無法控制的， 只會讓你陷入更深的絕望。對著他， 你已經無法表達自己的情緒， 你會越來越。 自己慢慢培養， 開始新的生活。 很多東西就像沙， 你越抓得緊， 越容易從你指縫中溜走。 如果你自己都不可憐自己， 就沒有人會可憐你。
回覆刪除[版主回覆06/22/2013 22:50:18]Thanks
大家素未謀面嘅朋友 (包括留言嘅各位), 我相信小小小女人只希望藉着寫BLOG去舒發心中屈結, 有幸遇上一班素未謀面但給予無限支持, 鼓勵嘅網友....至於佢應該點做, 係佢自己去選擇, 隋她心而行, 並不是我哋去幫佢決定, 去批評佢錯與對.....請大家手下留情, 相信背後給予小小小女人無限支持, 鼓勵已經足夠!
回覆刪除小小小女人: 堅強呀! 錯與對, 只係觀點與角度...
[版主回覆06/22/2013 22:50:29]Thanks
無論你既決定係點都好
回覆刪除我都會支持你
明白你很難受
你要加油喔~
[版主回覆06/22/2013 22:50:04]Thanks
Support you... I understand how you feel.... Please take GOOD CARE of yourself
回覆刪除[版主回覆06/22/2013 22:49:51]Thanks...
點都好，一定保重自己。其實我有來探你，但沒有回應。盡可能唔好食太多安眠藥。好傷身體。
回覆刪除[版主回覆06/22/2013 22:49:57]Thanks...
今天很這個專欄，我第一時間想到你：
回覆刪除http://www.am730.com.hk/article.php?article=160164&d=2082
希望你會一天比一天活得開懷，放下，更自在。
第二，好想講愚太以前也是需要晚晚服安眠藥才能睡的人，生活壓力太太。過了五、六年後，我便得出這個心臟病來，是自己累自己的。
健康才是你人生的寶藏，不要放棄自己的健康。
加油！
[版主回覆06/22/2013 22:50:27]Thanks..
親愛的，你怎樣呀?
回覆刪除掛念你
[版主回覆06/22/2013 22:49:14]Thanks... I am ok...
support you~~
回覆刪除[版主回覆06/22/2013 22:49:03]Thanks
點解唔可以同朋友傾吓件事?
回覆刪除[版主回覆06/24/2013 13:15:47]唔想囉.... 難於啟齒.........
morning ar~
回覆刪除[版主回覆06/24/2013 13:15:13]午安......
sometimes maybe it's not the worst to start all over again,
回覆刪除maybe u will even be happier without this man - why dont you think it this way?
support anyways!!
[~*練太*~回覆07/02/2013 16:03:40]have been reading your blog for a while...
perhaps it's hard for us to understand your feeling
but i believe - someday things will eventually be better!!
dont give up, support~~~
[版主回覆06/30/2013 11:53:25]hi, i thought of that a lot more than before lately.. when... i thought myself was a idiot to him... haha... but just can't propose ... perhaps as i said in my bog.. he did something to trigger my burning point... i may ... i may... i don't know... thanks for your visit and comment...