呢個禮拜都幾上上落落..... 點解？星期一受到沖擊啦，到星期二早上，唔知邊度嚟嘅勇氣，我同佢係whatsapp 傾過吓個問題，hmmmmmmmmmmmmm，個結果都算有鼓勵性啦，佢.... 話會儘快解決喎.....佢話要一步步嚟喎，我同意，我相信一段婚姻出現問題，唔會係某一方面嘅責任，而係雙方都有責任，所以我好想知我同佢有咩問題，之前佢一直話我無問題，但星期二的傾談下，佢話有但無講咩問題，我有問佢，我話如果唔知個問題係邊，我哋只會原地踏步，不過，佢始終無講，自whatsapp後，我無再問佢，因為我唔想太迫佢，我會俾時間佢，但我亦希望由佢主動同我講，交代一切切呢.... 我真係好希望好希望件事能夠儘快解決....
星期二同星期三晚分別同唔同嘅母親慶祝母親節，氣氛都算唔錯啦... 到星期四，因為早上我要去覆診，我為佢預備咗個早餐
你哋唔好話誇呀..... 其實我係好努力好努力咁去挽救呢段婚姻關係，但一個人嘅努力係唔夠嘅，只盼望佢都會出一分力...同我嘅方向係一致....
星期四晚佢一直以嚟都係去跑步，但今次呢個星期四唔係普通嘅星期四，佢... 話會同啲跑友去食飯喎.. 我聽咗之後個心沉咗一沉，佢知... 之後佢就同我講，話唔係同佢去食(指個女人)呀... 咁都安心啲.....佢出門口番工之前仲示意... 想鍚我不過我鍚咗先佢囉.....佢都開始有少少轉變呢....希望長久啦....
講番呢次覆診，可以講係喊得比較少嘅一次啦，因為有佢嘅答應.... 雖然一日未發生，都唔知幾時先發生，但... 要有希望呢.....
今日... 過得都算平靜，as usual....
比啲心機，佢對妳態度有轉變係好開始嚟嘅
回覆刪除[版主回覆05/20/2013 13:24:06]謝謝你一直以來的支持及鼓勵
恭喜你終於能拿出勇氣來！希望佢珍惜你一直以來的努力、包容同等待。會為你哋祈禱，祝福你們能早日破鏡重圓......你有時間都試下為自己的婚姻祈禱啦......
回覆刪除[版主回覆05/20/2013 13:24:21]知道... 謝謝你
有好既開始啦👏👏👏，不過男人唔可以比佢覺得自己煩
回覆刪除所以我地要適可而止，甘樣做等佢心中都有一席位💃💃
[版主回覆05/20/2013 13:24:57]明白... 謝謝你....
看來有轉機，希望越來越好啦
回覆刪除[版主回覆05/20/2013 13:25:12]我也有這樣想... 很感激你一直以來的支持及鼓勵
相信一切都會好起來。無論最後結果如何，你都已經盡左最大努力，咁就足夠了，至少對自己無愧。
回覆刪除加油！
[版主回覆05/20/2013 13:25:31]是的... 大家都要加油呢...
希望會越來越好啦~
回覆刪除[版主回覆05/20/2013 13:25:44]我也這麼盼望....